Në emisionin e sotshëm, “Njerëz në Fokus” të gazetares Ola Bruko në News24, sot është diskutuar rreth fenomenit të bulizmit. Përgjatë emisionit, gazetarja Ola Mitre ka sjellë dëshminë e një 13-vjeçari që ndeshet çdo ditë me sulmet e shokëve të klasës.
I tronditur nga ajo që ndodh në jetën e tij, djaloshi shprehet se e tallin duke e quajtur gay për shkak të zërit të tij të hollë. Madje 13-vjeçari ka menduar ti jap fund edhe jetës së tij.
“Shokët më tallin, më thonë ‘Je gay’ për shkak të zërit të hollë. Ka 3 vjet që tallen me mua, ndjehem shumë keq. Nuk është faji im që e kam zërin e hollë. Kam patur raste kur nuk doja të jetoja. Nuk i kam treguar prindërve, vetëm psikologes”, thotë ai ndërsa iu ka bërë edhe një apel të gjithë adoleshentëve dhe të rinjve që mund të jenë në situatën e tij. “Tregojani prindërve dhe psikologeve”, shprehet ai.
